Në mesnatë, persona të paidentifikuar kanë qelluar me armë zjarri drejt ambienteve të Top-Channel. Sipas Policisë së Shtetit, nga të shtënat ka vdekur roja i sigurisë me inicialet P.k. 60 vjeç.
Grupi hetimor nën drejtimin e Prokurorisë po bën kërkime për zbardhjen dhe sekuestrimin e provave që do të shërbejnë për të zbërthyer dinamikën e ngjarjes që ndodhi tek ambientet e televizionit.
Policia e Shtetit ka ngritur pika kontrolli për të kapur autorët që fshihen pas sulmit me armë.
Njoftimi i policisë:
Tiranë/Informacion paraprak
Më datë 27.03.2023, rreth orës 01:00, në Mëzes, në rrethana ende të paqarta, nga persona ende të paidentifikuar, është qëlluar me armë zjarri në drejtim të ambienteve të Top Channel.
Si pasojë e të shtënave ka humbur jetën roja i sigurisë shtetasi P. K., 60 vjeç (punonjës i një shoqërie për ruajtjen fizike të objekteve).
Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
Shërbimet e Policisë kanë ngritur pikat e kontrolleve dhe vijon puna për identifikimin e kapjen e autorëve.
